‏تصویر کہانی لیبل والی اشاعتیں دکھا رہا ہے۔ سبھی اشاعتیں دکھائیں
‏تصویر کہانی لیبل والی اشاعتیں دکھا رہا ہے۔ سبھی اشاعتیں دکھائیں

ہفتہ، 2 نومبر، 2013

غلام و آقا !!


غلام و آقا!
 امریکہ نے اس غلام کو بڑے چاو سے خریدا تھا ، اس کے جوان و متناسب جسم نے پہلی ہی نظر میں اس کی توجہ کھینچ لی تھی ! یہ میرے کافی کام آئے گا ! امریکہ نے دل میں سوچا، اور اس کا یہ خیال غلط ثابت نہ ہوا ۔ لیکن خریدنے کے کچھ دن بعد ہی غلام اداس رہنے لگا اور اب  بیمار بھی پڑگیا تھا امریکہ کو اچھی طرح معلوم تھا کہ یہ غلام ہوم سکسنس (Home Sickness) کا شکار ہوگیا ہے ! وہ بڑی ہمدردی سے اس کے ساتھ بیٹھا اور اس کے بالوں پر پیار سے ہاتھ پھیر کر کہنے لگا بیٹا ! مجھے علم ہے کہ تمہیں گھر کی یاد ستار ہی ہے تم جنگلوں کے باسی ،آزاد فضاوں میں رہنے والے پنچھی ، ان شہروں کی زندگیاں تمہیں پسند نہیں ہیں اس لیے ہی تم بیمار ہوگئے ہو ۔ لیکن بیٹا ابھی تم جوان ہو اگر تم محنت سے کام کرو تو میں وعدہ کرتا ہوں کہ پانچ سال بعد تمہیں آزاد کردوں گا!
 غلام کے چہرے پر بے یقینی تھی ! کیا آپ مجھے واقعی ہی آزاد کردیں گئیں ؟
 ہاں بیٹا میں تمہیں واقعی ہی آزاد کردوں گا ! امریکہ کا لہجہ حتمی تھا اور غلام ٹھیک ہوگیا!
 امریکہ کھیت کے کنارے پر کھڑا اس کو محنت کرتے دیکھتا ، اس کے جواں بازووں کی مچھلیاں جب ہل چلاتے ہوئے مچلتی تو امریکہ کا دل فخر سے بھر جاتا! غلام بوجھ اٹھا کر جب تن کر چلتا تو تو امریکہ کا سینہ بھی فخر سے تن جاتا ! غلام کافی محنت کررہا تھا غلام کے پاس وقت کے حساب کے لیے کوئی پیمانہ نہ تھا لیکن اس کو نظام شمسی کے حساب کا علم تھا وہ روز سورج کو مشرق سے مغرب کی طرف سفر کرتے دیکھتا اور ہر روز پتھر سے سخت زمین پر ایک لائن لگا لیتا ! ایک سال کے مکمل ہونے پر اس نے دل میں سوچا کہ "میری ایک انگلی" آزاد ہوگئی ہے ۔ دو سال مکمل ہونے ہوئے تو وہ اپنی دو انگلیوں کو بقیہ انگلیوں سے زیادہ ترجیح دینے لگا ۔ یہ حساب و کتاب غلام کے لیے روحانی مسرت کا ایک سامان تھا جس میں وہ کسی اور کو شریک نہ کرنا چاہتا تھا اپنے اردگرد کے آزاد انسانوں کی سرگرمیاں دیکھ کر وہ فورا اپنے ہاتھوں کو دیکھنے لگتا کہ کتنی انگلیاں رہ گئیں ہیں ! اور جلد ہی ان کے آزاد رہنے کی امید میں دوبارہ سرجھکا کر کام میں جت جاتا ۔ غلام کے اپنے اندر ایک دنیا آباد تھی ۔سورج ، لکیریں و انگلیاں ! سورج کا غروب ہونا اس کی روح میں اتر گیا ! اور پانچوں انگلیاں آزاد ہوگئی !
امریکہ غلام کی انتھک محنت کی بدولت خوشحال ہوچکا تھا ، غلام نے اس کے پاس آکر غلامی سے آزادی کا مطالبہ کیا ۔تاکہ وہ اپنے جنگل کو واپس جاسکے
 امریکہ نے بخوشی جانے کی اجازت دینے کے ساتھ ساتھ سوال کیا تمہارے پاس کیا واپسی کا سفر اختیار کرنے کے لیے پیسے ہیں ؟
غلام نے زمین کی طرف سرجھکایا اس کے پاوں کی انگلیاں جیسے ایکدم اضطراب کے مارے سکڑنے لگیں ، نہیں میرے پاس پیسے نہیں ہیں۔ غلام کے لہجے میں حسرت ایک سوال لیے ہوئے تھی
 اچھا تمہارا گھر کس طرف ہے ؟ امریکہ نے دوسرا سوال داغا مغرب کی طرف ۔غلام نے ایک خوشی کے ساتھ جواب دیا
 اچھا ! پھر تو وہ کافی دور ہوگا اور وہاں تک جانے کےلیے کافی پیسوں کی ضرورت بھی ہوگی ۔ چلو اگر تم میرے لیے تین سال اور کام کرلو تو میں تمہیں وہاں تک جانے کے لیے معقول رقم دے دوں گا ۔ چلو تین سال نہیں تو دو سال ہی سہی ۔ چالاک امریکہ کالہجہ فاتحانہ تھا غلام زیرلب کچھ بڑبڑایا ، اس کے چہرے کا رنگ سیاہ سے کچھ اور سیاہ ہوگیا ۔ کچھ دیر سوچنے کے بعد اس نے زور سے پاوں پٹخے اور کھیتوں میں کام کرنے واپس چلا گیا ۔
لیکن غلام اب کچھ کام چور ہوگیا تھا ، کام میں اس کا دل ویسے نہ لگتا جیسے کہ پہلے تھا ، سونے یا آرام کرنے کے بہانے تلاش کرتا رہتا اس کا جوان و طاقتور جسم ایک سستی کی سی کیفیت کا شکار نظر آتا۔ امریکہ نے اس بات پر اس کو ایک بار بری طرح پیٹا بھی گوکہ وہ اس بات پر زاروقطار رویا لیکن اس کی سستی کچھ کم ہوگئی ۔ وہ اب پہلے کی طرح حساب بھی نہیں کرتا تھا لیکن اپنے مضبوط ہاتھوں کو دیکھتا رہتا دوسال ،سہاگ رات کی طرح تیزی سے گزر گئے ۔امریکہ نے غلام کو معقول رقم دے دی تاکہ وہ مغرب کی طرف اپنے جنگل کے لیے سفر کرسکے ۔ کچھ عرصے بعد غلام تھکا ماندہ امریکہ کے پاس واپس آگیا وہ مغرب میں دور تک گیا تھا لیکن اس کو اپنا وطن نہیں ملا ۔ امریکہ نے اس کا حوصلہ بڑھایا اس کو کچھ اور رقم دی تاکہ وہ مشرق کی طرف سفر کرکے اپنے جنگل کو ڈھونڈ سکے ! غلام کو مشرق میں جنگل مل گیا، لیکن خود اپنے ہی گھر میں اس کا دل نہ لگا،جنگل کی ویرانی ،شہر کی رنگنیوں کا زور سے احساس دلوانے لگیں ،روز طلوع ہونے والا سورج جب مشرق سے نکلتا تو وہ اپنے ہاتھوں کی انگلیوں کو دیکھنا شروع کردیتا۔ اس کی ٹانگوں نے خود بخود ہی حرکت کی اور مغرب کی طرف عازم سفر ہوگئیں ! وہ امریکہ کے پاس واپس جارہا تھا  امریکہ کو اسے دیکھ کر کوئی حیرانی نہیں ہوئی ۔غلام نے اسے بتایا کہ جو جنگل اسے ملے وہ اسے اپنے نہیں لگے ۔ 
امریکہ نے بڑی توجہ سے اس کی کہانی سنی اور اسے پیار سے کہا ! دیکھو یہ میرا گھر تمہارا اپنا گھر ہے ۔ تم اس میں مزے سے رہو میں تمہارا خیال رکھوں گا لیکن اب کسی طرف بھی جانے کا نہ سوچنا! اور غلام نے سر جھکا دیا ! غلام نے محنت سے کام شروع کردیا ۔اس بار وہ ایسے کام کرتا جیسے کہ وہ اس کا اپنا کام ہو ، امریکہ اس کی صحت و خوراک کا خیال رکھتا تاکہ وہ طاقتور رہے اور اس کا کام کرسکے ۔ سستی دیکھنے پر اس پیٹتا بھی جس پر غلام روتا بھی نہیں ! امریکہ اسے اتوار کو چھٹی بھی دے دیتا تاکہ وہ قریبی پہاڑی پر جاکر مغرب میں غروب ہوتے سورج کو دیکھتا رہے ۔ غلام کی محنت سے امریکہ کی فصلیں اور اچھی ہونے لگیں اس نے ایک اور قطعہ زمین خریدا تاکہ اس پر بھی کھیتی باڑی ہوسکے امریکہ دن بدن امیر ہوتا چلا گیا کچھ عرصہ بعد اس نے غلام کے لیے ایک کنیز بھی خرید لی ! وقت دھیمی رفتار سے آگے بڑھتا چلا گیا ۔ امریکہ اب بوڑھا ہوگیا تھا لیکن اس کے گھر میں اب چھ غلام زادے تھے ایک سے بڑھ کر ایک کڑیل جوان ان کاغلام والد انہیں بتاتا کہ وقت اسی صورت گزرتا ہے جب کوئی کام میں مصروف رہے۔ اور جب (اسی انداز میں ) وقت گزر کر ماضی کا حصہ بن جائے تب ہی ہم لا فانی قسم کے جنگلوں کے اہل ہو سکتے ہیں۔ آرام والے دن وہ اپنے بیٹوں کو پہاڑی پر لے جاتا۔ انہیں غروب ہوتا سورج دکھاتا اور انہیں تمنا کرنے، آرزو کرنے اور (کسی چیز کا) انتظار کرنے کا ڈھنگ سکھاتا۔ امریکہ اب خاصا بوڑھا اور لاغر ہو گیا تھا۔ بوڑھا تو وہ پہلے ہی تھا مگر اب وہ زندگی کے دن گن کر گزار رہا تھا۔ اس کا بیٹا مضبوط و توانا تو نہیں بن سکا لیکن اسے اس بات سے رنجیدہ ہونے کی ضرورت نہیں تھی کیونکہ اس کے گھر میں موجود غلام زادوں میں سے ہر ایک اتنا مضبوط اور لحیم تھا کہ وہ صرف ایک مکے کی ضرب سے کسی بھی شخص کو گرا سکتا تھا۔ وہ انتہائی طاقت ور تھے،ان کے پٹھے لوہے کی مانند تھے اور ان سب کے دانت شیر کی طرح تھے۔ اور ان کے پاس ابھی وقت بھی بہت تھا۔ وہ غلام زادے اپنی کلہاڑیاں چلاتے اور جنگلوں کے درخت کاٹتے رہے۔ 

 (جو ہنیری جنیسن کی کہانی سے ماخوذ)

بدھ، 11 ستمبر، 2013

ماں !


اسے علم تھا کہ وہ مرجائے گا ! ایک کا لاشہ وہ پندرہ سال پہلے اٹھا چکی تھی ۔ وہ اسی وقت بہت روئی تھی ۔ اب اس کےچہرے کی جھریاں آنسو نیچے نہ گرنے دیتی تھیں ۔ آنکھوں سے بہتے اور چہرے کی پیچ و خم میں ہی کہیں ضم ہوجاتے ۔
وہ ایک عرب خاتون کا مکمل نمونہ تھیں ۔ انہیں اچھی طرح یاد تھا کہ ان کی شادی چھوٹی عمر میں ہی ہوگئی تھی ۔ شوہر کے مظبوط آسرے نے آس کو کبھی ٹوٹنے نہ دیا تھا۔ بچے ہوئے اور ایسے لگا جیسے کہ یکایک جوان بھی ہوگئے ! وقت نے چہرے کو جھری زدہ کردیا تھا لیکن محنت کش و جفا شعار عورت ہمت آج بھی نہ ہاری تھی ۔ 
پہلے بیٹے نے جب اسے اپنے خیالات سے آگاہ کیا تو اسے کچھ سمجھ نہ آیا۔ لیکن ایک نامعلوم خوف اس کے جسم کے اندر سرایت کرگیا ۔ اس کا جی چاہا کہ چیخ کر کہے "کہ تم مارے جاوگئے" لیکن وہ ضبط کرگئی ۔ اور بیٹا مارا گیا!
لیکن اس کے ضبط کا بندھن پھر بھی نہ ٹوٹا ، پندرہ سال گزر گئے ۔ کہ اردگرد بیٹوں کی لاشیں گرنے لگیں ۔سارے اپنے ہی بیٹے تھے ۔ اس کی آنکھوں کے سامنے پروان چڑھنے والے بچے ! جن میں سے کوئی بچپن میں شرارت سے اسے نانی اماں یا دادی اماں کہہ کر ستاتا ، یا چیز لے دینے کی فرمائش کرتا! سب اس کے سگے بیٹوں کے دوست تھے جو گھر کے آنگن میں اس کے سامنے کھیلتے کھیلتے جوان ہوگئے تھے، یہ ان کی شادیاں ، خوشیاں ،جھگڑے ، زندگیاں دیکھتے دیکھتے بوڑھی ہوگئی !اسے باغبانی کا شوق تھا ، سبزیاں و پھلوں کے بیج زمین کے دامن میں بوتے بوتے وہ ایکدم انہی بیٹوں کی لاشیں بونے لگیں!
  اماں کو اب سمجھ آنے لگا کہ اس کا بیٹا اسے کیا سمجھانا چاہتا تھا ۔ وہ بقیہ بیٹوں کے چہروں کو حسرت بھری آنکھوں سے دیکھتی ۔ اسے معلوم تھا کہ یہ بھی مارے جائیں گئیں ! لیکن اب وہ خوفزدہ نہ تھی ، قریب ہوتی ہوئی موت نے موت کا ڈر اس سے چھین لیا تھا ۔ ماں تھی یہ قبول نہ تھا کہ بیٹے بھوکے مارے جائیں ۔ دن رات ان کے لیے راشن تیار کرتی ۔ میلے کپڑے دھوتی ۔زخموں پر پٹٰی باندھتی اور رات کی تنہایئوں میں اللہ کے آگے روتی ۔ ٹی وی پر ایک انٹرویو لینے والی نے جب ان کا انٹرویو لیا تو پہلی بار ان کے ضبط کا دامن دنیا کے سامنے ٹوٹا ۔ ایک شیرنی غرا رہی تھی ۔ ایک بوڑھی نے حمص کے محاذ کا ایسا نقشہ کھینچا کہ بڑے سے بڑا نامہ نگار بھی ویسی عکس بندی بیان نہ کرسکتا تھا !
بشاری درندوں کی نظر اس بڑھیا پر پڑ گئی۔ راتوں کے اندھیروں میں حمص کے گلی کوچوں میں گونجنے والی ایک ضیعف آواز جو کہ نوجوانوں کا حوصلہ بڑھاتی تھی ۔ بوڑھے ہاتھوں سے پکائی گئی وہ روٹی جو کہ محاذ پر مشغول نوجوان مزے لے لے کر کھاتے تھے کہ "ماں کے ہاتھ کی پکی ہوئی ہے"، دعاوں کا وہ سیلاب جو کہ ایک ماں ہی کی زبان و دل سے نکل سکتا ہے ، یہ ساری نعمتیں پانچ سبتمر کو ایک رافضی گولی کا شکار ہو گئیں ۔ 95 سالہ تاریخ کا ایک اور نشان مٹ گیا !
ماں کی قبر بیٹوں کے پاس ہی بنائی گئی ہے ۔ ہوسکتا ہے کہ جنت میں اس کی خواہش یہی ہو کہ اپنے شہید بیٹوں کو کھانا بنا کر دیتی رہے ۔ ماں کے ہاتھ کا زائقہ جنت میں بھی مل جائے تو کیا ہی بات ہے۔ 

پیر، 22 جولائی، 2013

الوداع مسجد خالد بن ولید ! تصویر کہانی





الوداع مسجد خالد بن ولید

حمص کہ قریب سے گزرتے ھوئے اس کہ لنگڑے وجود پر بھی ہیبت طاری تھی ،  جس کی ہیبت سے مشرق و مغرب تھرتھراتے تھے آج خود ایک رعب کا شکار تھا ، اپنے دشمنوں کے سروں کی کھوپڑیاں کا محل بنانے والا "امیر تیمور" ملک شام میں اپنی ظلم و بربریت کہ نشانات چھوڑتا ھوا آگے بڑھ رھا تھا مگر حمص کہ پاس آتے ہی کسی کہ رعب نے اس کی ساری اکڑ ختم کردی تھی ! یہ سیف اللہ کا رعب تھا ، اللہ کی ننگی تلوار ،جس کہ بارے زبان صادق ،حضرت ابوبکر صدیق نے فرمایا تھا " کہ جس تلوار کو اللہ نے اپنے دشمنوں پر کھنچا ھے اس کو میں نیام میں کیسے کرلوں"
تیمور کی آنکھوں میں کئی منظر ھوں گئیں ، اسے وہ اپنا وہ وقت یاد آگیا جب وہ ایک ٹیلے پر صرف سترہ ساتھیوں سمیت پانچ سو کہ لشکر سے جا ٹکرایا تھا ، مگر اپنی یہ بہادری بھی اس کو سیف اللہ کہ مقابلے میں چھوٹی لگ رہی تھی جو کہ چند مسلمانوں کو لے کر رومیوں کہ بحر بے کنار سے جاٹکرائے تھے ،یا اس کی چشم تصور نے دیکھا ھوگا کہ خالد بن ولید اپنی بغل میں مشہور ایرانی پہلوان و سپہ سالار کہ دبائے دوڑے جارھے ھیں اور اٹھا کر زمین پر پٹخ رہے ھیں ! 
ایک "ظالم" نے ایک "بہادر" کو خراج تحسین پیش کیا اور حمص کو بغیر تباہ کیے آگے بڑھ گیا! سیف اللہ کی ہیبت ان کی وفات پاجانے کہ صدیوں بعد بھی کام کررھی تھی !!
مگر یہ کون ھیں !؟ یہ کالی پگڑیوں اور کالے کرتوں والے رافضی جو کہ اپنی دانست میں سیدہ زنیب کہ مقبرے کو بچانے آئے ھیں اور سیف اللہ کی مسجد پر بمباری کیے جارھے ھیں ! ان کہ دل مردہ ھوچکے ھیں ،ظالم اگر بہادر بھی ھو تو دوسرے بہادر کو خراج تحسین پیش کرتا ھے یہ اصل میں بزدل ھیں ، ان کو بہادری کی پہچان نہیں ،ان کو عزت کی پہچان نہیں ، ان کو حرمت کی پہچان نہیں !
ہاں مگر خالد بن ولید کہ بیٹے زندہ ھیں ! کم
ہیں تو کیا ھوا !! خالد بھی تو امت میں ایک ہی ھوتا ھے ،اللہ کی ایک ہی تلوار کافی ھے ! رافضیوں یہ خالد کہ بیٹے ھیں خالد کی طرف بڑھنے سے پہلے ان کی لاشوں سے گزرنا ھوگا!! !


ھائے افسوس ! خالد بن ولید کو تو قعقاع بن عمرو میسر تھا ، معدی کرب میسر تھا ، ابو عبیدہ الجراح میسر تھا ، مدینہ و مکہ میں ایک ایسی قوم میسر تھی جس کا ہر بندہ خالد بن ولید تھا 
مگر ان خالد کہ بیٹوں کو "ایک وہن زدہ جمہور" میسر ھے ، مگر غم نہ کرنا ،مسجد جاتی ہے تو جائے ، خالد بن ولید کا جسم جاتا ہے تو جائے تم ان شاءاللہ سیف اللہ کہ ساتھ جنت کی وادیوں میں ھو گئے !
الوداع مسجد خالد بن ولید ، الوداع خالد کہ بیٹوں ، الوداع جنت کہ راہیوں ۔ تمھارا مقام اتنا اونچا ھے کہ تمھیں اس "وہن زدہ جمہور" کہ ساتھ رھنے کی حاجت نہیں

اتوار، 21 جولائی، 2013

امت کی کہانی ، تصویر کی زبانی !



شام ،حمص کا ایک منظر! 
مجاہد باپ ، مجاہدہ بیٹی کہ ہمراہ 




آجا میرا پیارا بیٹا ! آ ادھر میری باھوں میں آجا ! شاباش

ابا جان آپ کیسے ھیں؟ بیٹیا میں بالکل ٹھیک ھوں ، تم پریشان نہ ھونا ،تم بالکل ٹھیک ھوجاو گی ان شاءاللہ !
ابا بھائی کہاں ھے ؟ امی بھی نظر نہیں آتیں ؟
میری پیاری گڑیا وہ اللہ کہ پاس باغوں کی سیر کرنے گئے ھیں 
ابا میں نے بھی ادھر جانا ھے !
ھاں بیٹا چلیں گئیں مگر پہلے میں اپنی گڑیا کی ڈولی سجاوں گا ، ڈھیر سارے تحفے ملیں گئیں ، تم کتنے عرصے سے گڑیا کی ضد کررھی ھو میں جلد ہی لے کر دوں گا اور ڈھیر سارے کھانے جو کہ تم کو پسند ھیں !
اباجان میں نے کل سے کچھ نہیں کھایا !
بیٹا بس تھوڑا سا صبر اور کھانا آنے والا ھے ،میں نے بتایا تھا نا کہ تمھارے بھائی آئیں گئیں اور ڈھیر سارا کھانا لائیں گئیں !
ابا جان ! میرے بھائی کب آئیں گئیں ؟؟!!!
بہت جلد آئیں کہ گڑیا ، بہت جلد ، تم زیادہ باتیں نہ کرو زخم تکلیف دے گا ادھر میرے بازووں میں آکر سو جاو !
ابا میرے بھائی کب آئیں گئیں ،ابا میرے بھائی کب آئیں گئیں ، ابا میرے بھائی کب آئیں گئیں !